പാങ്ങ് : കെ.എസ്.ഇ.ബി.യുടെ അധികാരപരിധിയിൽ വരുന്ന പാങ്ങ് അമ്പലപ്പടി, വാഴേങ്ങൽ, പാങ്ങ് ചേണ്ടി എന്നിവിടങ്ങളിലെയും പരിസര പ്രദേശങ്ങളിലെയും വഴിയോരങ്ങൾ, സ്കൂൾ പരിസരങ്ങൾ എന്നിവിടങ്ങളിൽ പച്ചമരങ്ങളും കാട്ടുവള്ളികളും അപകടകരമായ രീതിയിൽ വളരുന്നത് വൈദ്യുത സുരക്ഷയ്ക്ക് ഗുരുതര ഭീഷണിയാകുന്നു. 110KV ലൈനുകളും ത്രീ ഫേസ് ലൈനുകളും കടന്നുപോകുന്ന ഈ ജനവാസ മേഖലയിൽ മരങ്ങൾ വൈദ്യുത ലൈനുകളിലേക്ക് തൊടുന്ന നിലയിൽ വളർന്നിരിക്കുന്നു.

2019-ൽ പാങ്ങ് മില്ലുംപടിയിൽ ഒരു ചെറുപ്പക്കാരൻ വൈദ്യുത ഷോക്കേറ്റ് മരണപ്പെട്ടത് ഈ പ്രശ്നത്തിന്റെ ഗൗരവം വ്യക്തമാക്കുന്നു. എന്നാൽ, അതിനുശേഷം കെ.എസ്.ഇ.ബി. യാതൊരു മുൻകരുതലും സ്വീകരിച്ചില്ല എന്നതാണ് നാട്ടുകാരുടെ പരാതി.