ഷമീർ രാമപുരം

മങ്കട: വെള്ളിലയിലെ കുളത്തിൽ മുങ്ങിയ മൂന്ന് പേരെ അതി സാഹസികമായി രക്ഷപ്പെടുത്തി നാടിന്റെ അഭിമാന താരമായി മാറി മലപ്പുറം ജില്ലാ കലക്ടറുടെ അംഗീകാരം ഏറ്റുവാങ്ങിയ വെള്ളിലയിലെ മുഹമ്മദ് ഷാമിലിന് കടന്നമണ്ണ സർവ്വീസ് സഹകരണ ബാങ്ക് പ്രഖ്യാപിച്ച 5001 രൂപ പാരിതോഷികവും, പ്രശസ്തി പത്രവും കൈമാറി. ലോക മുങ്ങിമരണ പ്രതിരോധ ദിനമായി ആചരിക്കുന്ന ജൂലൈ 25 ന്  കലക്ടറേറ്റിൽ നിന്ന് അംഗീകാരം ഏറ്റുവാങ്ങി നാട്ടിലെത്തിയതിനുശേഷം  ബാങ്ക് ഹാളിൽ നടന്ന ചടങ്ങിലാണ് പാരിതോഷികം സമ്മാനിച്ചത്. ബാങ്ക് പ്രസിഡൻ്റ് സി.ഷൗക്കത്തലി ഉദ്ഘാടനം ചെയ്തു. ഇ.സി. സേവ്യർ അധ്യക്ഷനായി.  മാധ്യമ പ്രവർത്തകൻ ഷമീർ രാമപുരം അനുമോദന സന്ദേശം നൽകി. ബാങ്ക് സെക്രട്ടറി സൈഫുള്ള കറുമുക്കിൽ, വാർഡ് മെമ്പർ പി. ജംഷീർ, പി.ടി.എം ഹൈസ്കൂൾ സെക്രട്ടറി പി.ടി. അബ്ദുൽ മജീദ്, ടി. നാരായണൻ, കെ.ഷംസുദ്ദീൻ, പി. ഫിറോസ്, ടി സഫീന, സഹല സി.എച്ച്. അനീസ് പി.പി. മുഹമ്മദ് ഷാമിൽ പ്രസംഗിച്ചു.