രാമപുരം:  ജെംസ്  കോളേജിലെ ഓണാഘോഷംകളറാക്കാൻ മാവേലി എത്തിയത് ഹെലികോപ്റ്ററിൽ, രാവിലെ 10.15 മണിയോടെ കോളേജ് ഗ്രൗണ്ടിൽ ഹെലികോപ്റ്ററിൽ വന്നിറങ്ങിയ മാവേലിയെ വരവേൽക്കാൻ വിദ്യാർഥികളും അധ്യാപകരും അടങ്ങുന്ന വലിയൊരു സംഘം തടിച്ചുകൂടിയിരുന്നു. മൂന്നാം വർഷ ബി. കോം വിദ്യാർത്ഥിമുഹമ്മദ്‌ ഷബീബ് 'മാവേലി ' വേഷത്തിൽ ജോയ് ആലുക്കാസ്ഗ്രൂപ്പിന്റെ ഹെലികോപ്റ്ററിൽ തൃശൂർ ചാലക്കുടിയിൽ നിന്നും പുറപ്പെടുകയായിരുന്നു.,മൂന്നര ലക്ഷംരൂപയാണ്  വിദ്യാർത്ഥികൾഇതിനായി സമാഹരിച്ചത്. ഹെലികോപ്റ്റർ രാവിലെ 10:15 ന് ജെംസ് കോളേജിൽ ലാൻഡ് ചെയ്തു, മാവേലിയുടെ അപ്രതീക്ഷിത രംഗപ്രവേശം ആഘോഷങ്ങൾക്ക് ആവേശം പകർന്നു. തുടർന്ന് വിവിധ കലാപരിപാടികളും ഓണക്കളികളും അരങ്ങേറി. ദിവസങ്ങൾക്ക് മുൻപ് ഓണാഘോഷ പരിപാടിയുടെ പേരുപ്രഖ്യാപന ചടങ്ങിന് മാവേലി കുതിരപ്പുറത്താണ് എത്തിയത്. ഇത്തവണ ഹെലികോപ്റ്റർ ഉപയോഗിച്ചത് ആഘോഷങ്ങൾക്ക് കൂടുതൽ കരുത്തേകി. റിപ്പോർട്ട്: ഷമീർ രാമപുരം​