റിപ്പോർട്ട് : ഷമീർ രാമപുരം 

മക്കരപ്പറമ്പ്: പഴമകൾ പറഞ്ഞു പരിചയം പുതുക്കി മൂന്നു പതിറ്റാണ്ട് മുമ്പത്തെ ഓർമ്മകൾ പങ്കുവെച്ച് കാണാമറയത്തെ സഹപാഠി  കണ്ണികളെ കൺകുളിർക്കെ കണ്ട് നിറമിഴികളോടെ 'ഒരുവട്ടംകൂടി ഫ്രാൻസിസ് മാഷോടൊപ്പം ' ക്ലാസ്സ് മുറിയിൽ ഒത്തുകൂടി,

1993 - 94ലെ പുണർപ്പ വി എം എച്ച് എം യു പി സ്കൂളിലെ 7 - A-ക്ലാസ് സഹപാഠികളും അന്നത്തെ ക്ലാസ് അധ്യാപകനായിരുന്ന ഫ്രാൻസിസ് മാസ്റ്ററുമാണ് മുപ്പത് വർഷത്തിനുശേഷം അതേ ക്ലാസ് മുറിയിൽ ഒത്തുചേർന്നത് , പുണർപ്പ യൂപി സ്കൂളിന്റെ പ്രധാന കെട്ടിടത്തിലെ മൂന്നാം നിലയിൽ ഒന്നാമത്തെ ക്ലാസ് മുറിയിലാണ് അക്കാലത്ത്- 7 - A-ക്ലാസ് നടന്നിരുന്നത്, ഓർമ്മകൾ തളംകെട്ടി നിൽക്കുന്ന അക്ഷര തറവാട്ടിൽ നടന്ന  സംഗമം പ്രധാന അധ്യാപകൻ അലവിമാസ്റ്റർ കരുവാട്ടിൽ ഉദ്ഘാടനം ചെയ്തു, ഫ്രാൻസിസ് മാസ്റ്റർ മുഖ്യാതിഥിയായി സംസാരിച്ചു . അന്നത്തെ ക്ലാസ് ലീഡർമാരായിരുന്ന വി.സി. അബ്ദുൽ വഹീദ് അധ്യക്ഷനായി.,വരിക്കോടൻ സെറീന ആമുഖവും. ഷാജിതൃത്താല സൗഹൃദസന്ദേശവും, പി.കെ. റിയാസ് കരിഞ്ചാപ്പാടി നന്ദിയും പറഞ്ഞു. മേലേതിൽ സമീറബീഗവും സഹപാഠി സംഘവും ഗാനാലാപനം നടത്തി. ടി.കെ. സൈഫുന്നീസ, യു.അബ്ദുൽമുനീർ, കെ. കെ.സൈഫുദ്ധീൻ എന്നിവർ നേതൃത്ത്വം നൽകി.