മലപ്പുറം : കേരള സ്റ്റേറ്റ് കർഷക തൊഴിലാളി യൂണിയൻ സ്ഥാപക നേതാവായിരുന്ന സ: വി.എസ്. നെ യൂണിയൻ മലപ്പുറം ഏരിയ കമ്മറ്റി അനുസ്മരിച്ചു.

മലപ്പുറം എൻ.ജി.ഒ. യൂണിയൻ ആപ്പീസിൽ വെച്ച് നടന്ന അനുസ്മരണ പരിപാടിയിൽ സംസ്ഥാന കമ്മറ്റി അംഗം ബി.മുഹമ്മദ് റസാഖ് അനുസ്മരണ പ്രഭാഷണം നടത്തി. 

ഏരിയ പ്രസിഡണ്ട് കെ.വി.ബാലകൃഷ്ണൻ അദ്ധ്യക്ഷത വഹിച്ചു.

യൂണിയൻ ജില്ലാ ജോ: സെക്രട്ടറി കെ.മജ്നു, എൻ.ആർ.ഇ.ജി.വർക്കേഴ്സ്  യൂണിയൻ ജില്ലാ കമ്മറ്റി അംഗം കെ.യു.ഇഖ്ബാൽ, ജോയിജോൺ, എന്നിവർ സംസാരിച്ചു.

ഏരിയ ട്രഷറർ എം.പി.ശശിധരൻ അനുശോചന പ്രമേയം അവതരിപ്പിച്ചു.

യൂണിയൻ ഏരിയ സെക്രട്ടറി കെ.പി.അജയൻ സ്വാഗതവും വി.ആർ.യശ്പാൽ നന്ദിയും രേഖപ്പെടുത്തി.