മലപ്പുറം : വനിതാ ശിശു വികസന വകുപ്പ് ജില്ലാ ശിശു സംരക്ഷണ യൂണിറ്റ് ശിശുദിന വാരാഘോഷത്തിന്റെ ഭാഗമായി 'പുതിയ കാലഘട്ടത്തിലെ കുട്ടികളും രക്ഷിതാക്കളും' എന്ന വിഷയത്തില്‍ സംവാദം സംഘടിപ്പിച്ചു. ജില്ലാ ആസൂത്രണ സമിതി-മിനി കോണ്‍ഫറന്‍സ് ഹാളില്‍ നടന്ന പരിപാടി  
എ.ഡി.എം. എന്‍.എം. മെഹറലി ഉദ്ഘാടനം ചെയ്തു. ജില്ലാ ചൈല്‍ഡ് പ്രൊട്ടക്ഷന്‍ ഓഫീസര്‍ ഷാജിത ആറ്റാശ്ശേരി അധ്യക്ഷത വഹിച്ചു. വനിതാ സംരക്ഷണ ഓഫീസര്‍ ശ്രുതി, ജില്ല ശിശു സംരക്ഷണ  യൂണിറ്റിലെ സൈക്കോളജിസ്റ്റ് എം.ടി. നിഖിലമോള്‍, വിവിധ സ്‌കൂളുകളില്‍ നിന്നുള്ള വിദ്യാര്‍ത്ഥികള്‍, രക്ഷിതാക്കള്‍ എന്നിവര്‍ പങ്കെടുത്ത സംവാദത്തില്‍ വയനാട് ഡബ്ലിയു.എം.ഒ ആര്‍ട്സ് ആന്‍ഡ് സയന്‍സ് കോളേജ് അസിസ്റ്റന്റ് പ്രൊഫസര്‍ പി. അബ്ദുല്‍ ഗഫൂര്‍  മോഡേറേറ്ററായി.