റിപ്പോർട്ട്: ഷമീർ രാമപുരം
മക്കരപ്പറമ്പ്: ഗവ. ഹൈസ്കൂളിലെ വിദ്യാർത്ഥികളാണ് നേച്ചർ ക്ലബ്ബിന്റെ നേതൃത്വത്തിൽ കുറുവ പാടം മക്കരപ്പറമ്പ് പുഴ കാറ്റാടിപ്പാടം മുതലായ പ്രദേശങ്ങൾ സന്ദർശിച്ച് പക്ഷി നിരീക്ഷണ യാത്ര നടത്തിയത്. പക്ഷികളെ അടുത്തറിയുന്നതിനും ജൈവവൈവിധ്യ സംരക്ഷണത്തിൻ്റെ പ്രാധാന്യം മനസ്സിലാക്കുന്നതിനും ലക്ഷ്യമിട്ടായിരുന്നു യാത്ര. തണ്ണീർത്തടങ്ങളെ ആശ്രയിച്ച് ജീവിക്കുന്ന നീർപക്ഷികളെയും, നാട്ടുപക്ഷികളെയും വിദ്യാർത്ഥികൾക്ക് നേരിൽ കാണാൻ സാധിച്ചു. ഓരോ പക്ഷിയുടെയും പ്രത്യേകതകളും ആവാസവ്യവസ്ഥയും നേരിൽ കാണാൻ സാധിച്ചത് കുട്ടികൾക്ക് നവ്യാനുഭവമായി.ആറ്റകറുപ്പൻ,തീ കുരുവി,ചിന്നമുണ്ടി,മീൻ കൊത്തി ചാത്തൻ,കരിയിലക്കിളി,ചെന്തലയൻ അരിവാൾ കൊക്കൻ,അരിപ്രാവ്,വലിയ മീൻ ക്കൊത്തി,ചിന്ന കുട്ടുറുവൻ,കാവതി കാക്ക,ചെറിയ നീർകാക്ക,നാട്ടുവേലി തത്ത,നാട്ടുബുൾബുൾ,നാട്ടു മൈന ,ചെങ്കണ്ണി തിത്തിരി,മഞ്ഞ കറുപ്പൻ,ആനറാഞ്ചി , ഉപ്പൻ, അമ്പലം ചുറ്റി, വലിയ മരം ക്കൊത്തി മുതലായ പക്ഷികളെ വിദ്യാർത്ഥികൾ തിരിച്ചറിഞ്ഞു.നേച്ചർ ക്ലബ്ബ് കോർഡിനേറ്ററായ പി.പ്രമോദ്,അധ്യാപകരായ കെ.അബ്ദുൽ ഗഫൂർ, പി .വിശ്വനാഥൻ, പി.സേതുമാധവൻ, ഐ.ബെൻ ജോൺസൺ എന്നിവർ പക്ഷി നിരീക്ഷണയാത്രയ്ക്ക് നേതൃത്വം നൽകി.
പ്രാദേശികം
ബധിര സംഗമം ശ്രദ്ധേയമായി 01 January 2026
പ്രാദേശികം
ഒറിജിനൽ ചായപ്പൊടി വാങ്ങിക്കാം സരസ് മേളയിൽ 11 January 2026
പ്രാദേശികം
ടൂറിസം വാരാഘോഷത്തിന് തുടക്കമായി; കോട്ടക്കുന്നിൽ ഇനി ആഘോഷരാവ് 05 September 2025
ഗുഡ് സ്റ്റോറി
സമ്മിശ്ര കൃഷിയില് വിജയം; ഖദീജയുടെ തോട്ടത്തില് എല്ലാം വിളയും 08 August 2025
പ്രാദേശികം
എല്ലാ പ്രവാസികളും ക്ഷേമനിധി അംഗത്വം നേടണമെന്ന് എ.സി മൊയ്തീന് എം.എല്.എ 21 July 2025