റിപ്പോർട്ട് : സയിദ് കോയ വള്ളിക്കുന്ന്

വള്ളിക്കുന്ന് : സൗദിയിൽ വാഹനാപകടത്തിൽ മരണപ്പെട്ട വള്ളിക്കുന്ന് അത്താണിക്കൽ മേലേവീട്ടിൽ കോയക്കുട്ടി ഹാജി  എന്നവരുടെ മകൻ മേലേവീട്ടിൽ ഷൗക്കത്തിന്റെ  ജനസാ നമസ്കാരം വ്യാഴാഴ്ച രാവിലെ 8  മണിക്ക് വാലയിൽ ജുമാ മസ്ജിദിൽ വെച്ച് നടക്കുമെന്ന് ബന്ധുക്കൾ അറിയിച്ചു. ദമാം - ജുബൈൽ റോഡിൽ വെച്ചുണ്ടായ വാഹനാപകടത്തിൽ ഈ മാസം 6  നു ആണ് ഷൗക്കത്ത് മരണപ്പെട്ടത്.

എല്ലാവർക്കും രാവിലെ 7 മണി മുതൽ 8 മണി വരെ വാലയിൽ ജുമാ മസ്ജിദ് പരിസരത്തുള്ള മദ്രസാ കോമ്പൗണ്ടിൽ മയ്യിത്ത് കാണാനുള്ള സൗകര്യം ഉണ്ടായിരിക്കുന്നതാണ് . വീട്ടിലെ സ്ഥലപരിമിതിയും ഗതാഗത തടസ്സവും കണക്കിലെടുത്ത് കാലത്ത് 6 മണി മുതൽ 7 മണി വരെ അടുത്ത ബന്ധുക്കൾക്ക് മാത്രം ആയിരിക്കും വീട്ടിൽ വെച്ച് മയ്യത്ത് കാണാനുള്ള സൗകര്യം എന്നും ബന്ധുക്കൾ അറിയിച്ചു.