ആനയാറങ്ങാടി ഓട്ടോ ഡ്രൈവർമാരുടെ നന്മയ്ക്ക് കൈയടി

വള്ളിക്കുന്ന്: ആനയാറങ്ങാടിയിലെ ഓട്ടോ ഡ്രൈവർമാരുടെ നന്മയും സത്യസന്ധതയും വീണ്ടും ശ്രദ്ധേയമായി. വള്ളിക്കുന്ന് പൊറാഞ്ചേരിയിൽ താമസിക്കുന്ന മലയിൽ അറാഫത്തിന്റെ  ഓട്ടോയിൽ നിന്ന് ഒരു പവനോളം തൂക്കമുള്ള സ്വർണ്ണാഭരണം കണ്ടെത്തുകയായിരുന്നു.

ഓട്ടോയിൽ യാത്ര ചെയ്തിരുന്ന തച്ചോളി ഫയർ വർക്ക്സിന് സമീപം താമസിക്കുന്ന കെ.പി. യൂസുഫിന്റെ മകൾ അജിബയാണ് സ്വർണ്ണാഭരണം കണ്ടെത്തിയത്. തുടർന്ന് ആഭരണം ഓട്ടോ സ്റ്റാൻഡിലെത്തിച്ച് ഉടമയെ കണ്ടെത്താനുള്ള ശ്രമം നടത്തി.

വള്ളിക്കുന്ന് കരുമരക്കാട് പള്ളിക്ക് സമീപം താമസിക്കുന്ന കാവുകുളത്തിൽ ലീലാവതിയുടെ സ്വർണ്ണാഭരണമായിരുന്നു നഷ്ടപ്പെട്ടതെന്ന് തിരിച്ചറിഞ്ഞു. തുടർന്ന് ആനയാറങ്ങാടി ഓട്ടോ സ്റ്റാൻഡിൽ വെച്ച് സ്വർണ്ണാഭരണം ഉടമയ്ക്ക് കൈമാറി.

സത്യസന്ധതയും മനുഷ്യത്വവും കാത്തുസൂക്ഷിച്ച ആനയാറങ്ങാടിയിലെ ഓട്ടോ ഡ്രൈവർമാർക്ക് അഭിനന്ദനങ്ങൾ.