വള്ളിക്കുന്ന് : തിരുത്തി ഒലിപ്രം  ഉദയ ലൈബ്രറിയുടെ  നേതൃത്വത്തിൽ  ഒരു വർഷം നീണ്ടു നിൽക്കുന്ന ഗാന്ധിയെ അറിയാൻ ഗാന്ധി പഥം 2026 എന്ന പ്രോഗ്രാം  ആർ. എസ് പണിക്കർ (ചെയർ ഫോർ ഗാന്ധി യൻ സ്റ്റഡിസ് & റിസർച്ച്  കാലിക്കറ്റ്‌ യൂണിവേഴ്സിറ്റി )ഉദ്‌ഘാടനം ചെയ്തു.  ഒരു വർഷം കൊണ്ട് പഠന വിധേയമാക്കാൻ വേണ്ടി 28 കുടുംബങ്ങളിലേക്ക് ഗാന്ധിജിയുടെ ആത്മ കഥ  എന്റെ സത്യാന്വേഷണ പരീക്ഷണങ്ങൾ എന്ന പുസ്തകം നൽകി  .ഗാന്ധിയൻ  ആശയങ്ങളെയും ആദർശനങ്ങളെയും കുറിച്ച് മുഖ്യ പ്രഭാഷണം  കെ. പി മനോജ്‌ മാഷ്  ബാലുശ്ശേരി ( സർവ്വോദയ സംഘം പ്രവർത്തകൻ ) നടത്തി.  ചടങ്ങിൽ   ടി വി വിബി   (ഏഴാം വാർഡ് അംഗം ), മനോജ് കുമാർ വി  (ക്രൈം ബ്രാഞ്ച് കോഴിക്കോട്) , കെ ശശിധരൻ (സെക്രട്ടറി,  ഉദയലൈബ്രറി തിരുത്തി )സതീന്ദ്രബാബു  (പ്രസിഡന്റ് ) ഷീജ കെ  എന്നിവർ പ്രസംഗിച്ചു.