മലപ്പുറം : മലപ്പുറത്തിന്റെ ജനകീയ ഡോക്ടർ എം.അബ്‌ദുറഹിമാൻ നിര്യാതനായി. ദീർഘ കാലം മലപ്പുറം നഗരത്തിലെ ഒറ്റമുറിയിൽ രോഗികളെ പരിശോധിച്ച് മരുന്ന് നൽകിയിരുന്നു. തന്നെ കാണാനെത്തുന്ന രോഗികളോട് വാത്സല്യ പൂർവ്വം പെരുമാറിയിരുന്ന ഡോക്ടറിന് ചികിൽസിക്കാൻ ഫീസിലായിരുന്നു. പണം നൽകിയാലും പത്തു രൂപ മാത്രമാണ് ഡോക്ടർ വാങ്ങിയിരുന്നത്. മരുന്നു വാങ്ങാൻ പണമില്ലാത്ത രോഗികൾക്ക് ഡോക്ടർ അങ്ങോട്ട് പണം നൽകിയിരുന്നു. സാധാരണക്കാരായ രോഗികൾക്ക് ഏതു ഘട്ടത്തിലും ആശ്രയ കേന്ദ്രമായിരുന്ന ഡോക്ടറുടെ വിയോഗം മലപ്പുറത്തിന് തീരാനഷ്ടമാണ്. കുന്നുമ്മൽ മഹല്ല് ജുമാമസ്ജിദിൽ സംസ്കാരം നടന്നു.